Консерватория «Наурыз – думанға» шақырады

Құрманғазы атындағы Қазақ ұлттық консерваториясы «Наурыз – думан» атты мерекелік концертке шақырады. Кештің бағдарламасы ұлттық музыканың кесек туындыларынан тұрады.

Консерваторияның баспасөз қызметінің хабарлауынша, Ұлыстың ұлы күні – жыл басы – Наурыз мейрамына арналған кон­церт сәуірдің 12-сі күні Үлкен залда сағат 19:00-де басталады. Бағдарламада қазақ­тың дәстүрлі халықтық музыкасы мен қазіргі заманғы қазақ композиторларының шығар­малары орындалады. Кеште домбырашылар ансамблі, «Меруерт» қобызшылар ансамблі және Қазақ халық аспаптары оркестрі өнер көрсетеді. Музыкалық ұжымдарға белгілі домбырашы, халықаралық байқаулардың лауреаты Арман Жүдебаев дирижерлік етеді.

thenews.kz