Сазген сазы” ансамблі Венадағы әйгілі Musikverein сахнасында өнер көрсетеді

Алматы қаласы әкімдігінің қолдауымен Алматы қаласы Мәдениет басқармасына қарасты “Алматы әуендері” шығармашылық ұжымының “Сазген сазы” ансамблі Австрияның астанасы Вена қаласының төрінде өнер көрсетпек.

 

Аталған кеш әлемге әйгілі, ғасырлар бойы қалыптасқан классикалық музыканың алтын ордасы “Musikverein” концерт залында өтеді. Бұл сахнада өнер көрсету әрбір музыкант үшін үлкен мәртебе.

 

Қазақстан Республикасының Аустрия Республикасындағы елшілігінің арнайы шақыруымен ұйымдастырылып отырған бұл ауқымды шара – қазақтың бай мәдени мұрасын әлем жұртшылығына таныстыруға бағытталған тағылымды бастама.